حوار مع الكاتبة زهراء أحمد مؤلفة رواية أغرمت به

إيمانًا من موقع معلومة في الإنجاز بدعم الشباب ننشر سلسلة حورات صحفية حصرية وخاصة بموقع معلومة في الإنجاز مع الكتاب والروائين المشاركين في معرض القاهرة حوار مع الكاتبة زهراء أحمد مؤلفة رواية أغرمت به المشارك بمعرض القاهرة الدولي للكتاب 2023 .

ما هي إصدارتك الأدبية وأيهما أقرب لقلبك 

صدر ليا كتاب ( قصص قصيرة ) بعنوان أُغرمت به وشاركت في العديد من الكتب الالكترونية زي (سراج) و( ساعي البريد )  والاقرب لقلبي طبعا اغرمت به لأنه طبعا أول إصدار ورقي ليا، كونك تلاقي كلماتك مطبوعه في هيئة كتاب على ورق إحساس لايضاهيه أي إحساس تاني 

لماذا سميت روايتك بهذا الاسم؟ وماذا يعني ؟

سُمِي الكتاب بالاسم ده تيمنا باسم قصة بداخله لفتاه أغرمت برئيسها بالعمل وكاتبها المفضل  ورغم كل محاولاتها في مراقبته الا إنه مازال يحب زوجته ويعامل تلك الفتاة على إنها بنته  .

ماذا يعني لك مفهوم الرواية ؟ 

احداث واقعية أو خيالية تحدث على فترة زمنية طويلة تحكمها حبكة تسير وفق أهواء الاشخاص بداخلها 

لماذا يقتني القراء الروايات وليس الكتب ؟

معظم الأفراد بيتجهوا لاقتناء الروايات وصراحه انا منهم، القاريء وهو يقرأ الرواية بتحس أنه بيروح معاها في كل اتجاه بتعزله عن العالم بتاخده لأماكن بعيدة جدا ميقدرش يروحها في حياته الحقيقية، بتنمي الخيال عنده حرفيا القراءة إدمان بس إدمان مريح 

من وجهة نظرك هل الحياة عبث ؟ 

الحياة مستمرة سواء أردت أو ماأردتش كونها عبثية أو لا إنت اللي بتحدد ده .. انت اللي لازم تترك بصمة ليك فتكون من الاشخاص المؤثرين في الحياة .. متكنش مثلا مجرد شخص جه الدنيا وراح منها لازم على الأقل تحاول تثبت لنفسك اولا و لكل اللى حواليك انا جيت الدنيا دي لهدف وقادر احققه .. قادر اغير فكر الناس عن حاجه معينه .. قادر اثبت للعالم كله أنه جاي الدنيا لهدف سامي وإن الدنيا مهما قالوا عنها هي مرحلة من حياتنا فلازم نعيشها بحلوها ومرها 

معايير نجاح الكاتب من خلال خبرتك في مجال التأليف والإبداع  ؟

في رأيي أنه اهم نقطة هي جودة الرواية، حبكة القصة ازاي يقدر الكاتب يخلي كلماته تنطق، يخلي القارئ يحس معاه كل مشهد وكل تفصيلة .لما احس إنها أثرت في القارئ وغيرت تفكيره بالايجاب طبعا

أسماء الكتاب المفضلين لديك ؟ 

د. حنان لاشين ، د. احمد خالد توفيق ، أحلام مستغانمي ، د. منى سلامه ، نجيب محفوظ ، أثير عبد الله النشمي 

ما هو العمل المشارك في معرض الكتاب القادم 2023  

 بكتب رواية حاليا مش هتلحق للاسف السنة دي بس إن شاء الله السنة الجاية تكون منورة المعرض 

نصيحه للقراء 

اقرؤ كتير متقفوش على نوع واحد من الكتب القراءة دي عالم كبير وواسع اوي عايز تكون مثقف وواعي اقرا اي حاجه تقابلك حتى لو ورقة جرائد قديمة بس هتلاقي نفسك استفدت منها اوي .

إحساسك إيه تجاه قرائك ؟

حقيقة بكون ممتنة لاي حد بيقرا لي اي حاجه ويكلمني ويسألني لو تاخرت اني انزل اي حاجه بحس أنه كتاباتي كده ليها نوع خاص من القراء وانا من النوع اللى بيرحب بالانتقاد  قبل الرأي الإيجابي فأي حد حابب يعبر لي عن رأيه في اي حاجه كتبتها برحب بيه في أي وقت .

حوار مع الكاتبة أميرة أبوعوف كتاب رواية آمال العنقاء