العلاقات بين FTX و Riot Games تشكل أزمة لـ League Of Legends حالياً !

طلبت Riot Games من المحكمة إنها تلغي صفقاتها مع FTX، وأعلنت الشركة المعروفة بتطويرها لألعاب منها League Of Legends و Valorant إن حب Sam Bankman-Fried (مؤسس FTX) للعبة League Of Legends بيضر بسُمعة البراند!

 

 

 

تعاونهم مع بعض في تمويل البطولات ومجاملة SBF للعبة على تويتر السنة اللي فاتت كان تسويق كويس للعبة وقتها، لكن دلوقتي الموضوع بيشكل أزمة لـ Riot Games بسبب إن فضيحة النصباية الكبيرة وإفلاس FTX (اللي كان سببها الإهمال) ربطها الناس بإدمان رئيس الشركة لـ League Of Legends، والموضوع عمل ضجة على مواقع التواصل الإجتماعي، وحصلت موجة من الهجوم على اللعبة والسخرية منها؛ فسببت الحكاية إحراج للشركة.

الملفات بتقول إن FTX مديونة لـ Riot Games بمبلغ 6.25 مليون دولار عشان تسديد تكاليف بطولات LCS خلال 2022، ولسه المبلغ ده هيترفع لـ 12.875 مليون دولار السنة الجاية، وهيفضل يتصاعد لحد ما تنتهي الصفقة في 2028 واللي هتخلي مجموع الديون حوالي 96 مليون دولار!