حوار مع الكاتبة علياء عصام مؤلفة رواية حياة برائحة الماضي

لقاء حصري لـ موقع معلومة في الإنجاز مع الكاتبة علياء عصام مؤلفة رواية حياة برائحة الماضي  والحديث عن أعمالها الأدبية ودعم القراء في تشكيل ملامح حياتهم ومزجها بأحداث أعماله الإبداعية، والجدير بالذكر أن الكاتبة علياء عصام تشارك في معرض القاهرة الدولي للكتاب 2023 عن رواية حياة برائحة الماضي .

نبذة عن العمل ؟

هي روايه رومانسيه اجتماعيه تتحدث عن أسواء المشاعر إلى ممكن يمر بيها الإنسان وهي شعورة بالندم وذنب تجاه شخص كان عزيز علي قلبه لسنين وهل هيعرف يكفر عن الذنب دة ولا لا ويا تري الوقت هيكون فات ولا لسه فيه امل 

الاصدارات الادبيه ؟

روايه حياه برائحه الماضي روايه ورقيه مع دار الزيات 

روايه خيوط ناعمه روايه الكترونيه علي مكتبه نور وكتوباتي 

الاقرب لقلبي الاتنين لكن دايما اول عمل واول تجربه بيكون ليها مكانه خاصه عند الكاتب 

لماذا سميت بهذا الاسم وماذا تعني؟

كل انسان عنده ماضي ممكن يكون سعيد وممكن يكون حزين و بمناسبه أن بطلنا طول الوقت عايش في ذكريات ماضيه أصبحت حياته كلها عباره عن شريط ذكريات ودة الي بيرمز ليه شريط القطر علي الغلاف 

ماذا يعني لك مفهوم الروايه ؟

الروايه مجموعة احداث متسلسله مع الابطال بتدور مع بعض في قصه كدة بتخلق للقارئ في عقله حاله خاصه كدة محدش بيعيشها غيره في الوقت دة خصوصا لو كانت القصه بتمس جزء من حياته هو أو أن شخصيه البطل تكون قريبه من شخصيته هو 

لماذا يقتني القراء الروايات وليس الكتب؟

ناس كتير مش بتحب أن المعلومة توصلها من خلال كلام وجمل وإرشادات وتوجيهات خصوصا فئه الشباب الي ممكن يكون سمع شبه كتير في وقت معين بيحب دايما المعلومة توصله من خلال ابطال واحداث ومواقف عماله تحصل طول الروايه ولأن الفضول هو إلى بيميز الإنسان فا هو دة الي بيخليه يفضل مع الاحداث للآخر عشان يعرف النهايه .

هل الحياه عبث؟

الاجابه هتختلف من شخص للتاني علي حسب هو بيقضي حياته ازاى

بس لو هنتكلم كوجه نظر شخصيه فا انا اشوف أنه اطلاقا الحياه اغلي من أننا نقضيها في عبث من غير ما نسيب فيها اثر للأشخاص من حوالينا 

معايير النجاح ؟

لازم الكاتب يكون قارئ في العديد من المجالات المختلفه بيطلع علي كل جديد ويكون ليه بصمه بتميزة عن غيرة من الكتاب ومفيش مانع من بعض التهور احيانا 

الكتاب المفضلين ؟

نجيب محفوظ 

اجاثا كريستي 

دكتور احمد خالد توفيق 

مروة جوهر 

حسن الجندي 

نيرمين نحمدالله 

العمل المشارك في معرض الكتاب ٢٠٢٣؟

روايه حياة برائحه الماضي عن دار الزيات قاعة ١ جناح B7

اهميه الذاكرة وعامل الزمن؟

الزمن من أهم اهم عناصر الروايه كونك كا كاتب انك ترسم صورة في خيال القارئ وتخليه يتخيل الزمان والمكان والاحداث حتي لو محضرش الوقت دة فا أعتقد أن دي شطارة من الكاتب نفسه أنه قدر يوصل شيء زي دة في خيال القارئ 

نصيحه للقارئ ؟

يقرأ في مجالات وفئات مختلفه من الكتب مش لازم يجري ورا الكتاب المعروفين بس مش لازم يشتري روايه لمجرد أن الكل اشتراها وبيتكلم عنها و يكون دايما ليه وجهه نظر بتاعته هو حتي لو كانت مختلفه عن الجميع 

احساسك ايه تجاة قرائك؟

بكون سعيدة جدا لما الاقي حد بيتكلم عن روايته وبيهتم ويبعت رأيه فيها سواء سلبي او ايجابي أو بيحاول يلفت نظري لحاجات ممكن اهتم بيها هتحسن من كتاباتي كون أن حد يقول رأيه أو يبعته فا دة اهتمام بكون سعيدة بيه جدا .

حوار مع الكاتب محمد فكري مؤلف رواية وحدي في قبر