حوار مع الكاتبة الدكتورة جهاد نصر مؤلفة رواية ماذا لو عاد منكسرًا

إيمانًا من موقع معلومة في الإنجاز بدعم الجانب الثقافي وتسليط الضوء عليه من خلال نشر سلسلة حورات صحفية حصرية وخاصة بموقع معلومة في الإنجاز مع الكتاب والروائين المشاركين في معرض القاهرة الدولي للكتاب 2023، نقدم لكم لقاء ممتع مع الكاتبة جهاد نصر مؤلفة رواية ماذا لو عاد منكسرًا المشاركة في معرض القاهرة الدولي للكتاب 2023.

ما هي إصدارتك الأدبية وأيهما أقرب لقلبك ؟

 رواية الشتاء الأخير و رواية ماذا لو عاد منكسراً سميتها كدة لانها بتناقش انكسارات كتير اوجاع الناس المحيطة و اوجاعنا احنا شخصياً.. كمان معاناة اطفال في سوريا و ازاي ان الانكسارات دي بتشكلنا تقدر تخلق وحوش بشرية او تهذب نفوس في نفس الوقت.

ماذ يعني إسم روايتك ماذا لو عاد منكسرًا 

 بتعني خيبات و انهزامات كسرتنا في اوقات كتير اكيد ازاي نتعامل معاها و ازاي المجتمع اللي حوالينا يقدر بسهولة يخلينا نتخطاها و ازاي برضو ممكن تأثر سلبا في معظم الاحيان..

لماذا يقتني القراء الروايات وليس الكتب ؟

جايز لان الروايات ممكن يكون فيها قصص بتلمسنا و بنعيش اوقات معاها معاناة مرينا بيها، او حتي حالة حابين نعيشها الروايات هي عوالم و حيوات موازية.. كمان الكتب لها قدرها و مكانتها و الاستفادات الواقعية الجمة منها.

هل الحياة عبث ؟

 ليست عبث علي الإطلاق هي اختبار من ربنا و اساساً كانت عقاب لآدم و حواء و عزازيل. "قلنا اهبطوا منها جميعاً"

ما هي معايير الكاتب الناجح من وجهة نظرك 

 معايير النجاح انا مقدرش اجاوبها لاني لسة طبعا في بداية طريقي و أسأل الله النجاح و التوفيق.. و لكن اكيد كل ما هو مميز و صادق و قريب من قلوب الناس ناجح طبعا.

ما هي أسماء الكتاب المفضين ؟

 اسماء الكتاب المفضلين هم إحسان عبد القدوس و مصطفي محمود، انيس منصور و طه حسين ، احمد خالد توفيق و من الغرب ديستويفسكي و ليو تولستوي، و غيرهم الكثير انا بحب كل الكتابات اللي بتلمسني و بصراحة اكثر بيكون ولائي للكتابة مش للكاتب.

ما هو العمل المشارك في معرض القاهرة الدولي للكتاب

العمل المشارك هي رواية ماذا لو عاد منكسرا.

ما هو إحساسك تجاه القراء ؟

 احساسي تجاه قرائي  هو الامتنان الشديد لتشجيعهم المستمر و مشاركتهم ليا في خطواتي البسيطة.. و قد ايه بتسعدني دعواتهم و متابعتهم.

حوار مع الكاتبة دينا مصطفى مؤلفة رواية وادي جاسوس