بسكوت الشوفان بالجبنه وحبه البركة

Basma Ali

نشر منذ سنة — اخر تحديث منذ ثانية

بسكوت الشوفان بالجبنه وحبه البركة وجبه خفيفه وصحيه وتنفع لمرضى السكر تنفع بين الوجبات او علي الفطار واحنا مع دخول المدارس نحتاج لوجبه سهله لأطفالنا ومغذية وهذه وجبه جميله جدا لطفلك قبل الذهاب للمدرسه او في اللانش بوكس لطفلك

مقادير بسكوت الشوفان بالجبنه وحبه البركة

ثلاث أكواب من دقيق الشوفان.
ربع كوب جبنه فيتا لايت.
بيضة وحده.
ربع كوب زيت.
ملعقتين كبار حبه البركة.
معلقة صغيرة بيكنج بودر.
رشه ملح صغيرة .
رشه فلفل .

طريقه تحضير بسكوت الشوفان

نضع ثلاث أكواب الشوفان في بولة كبيرة تكفي المقادير كامله.
ثم نضع ملعقتين حبه البركة .
ثم نضع معلقة البيكنج بودر .
ثم نضع عليهم رشه ملح .
نقلب جيدا حتي تدخل جميع المكونات ببعضها .
وفي بولة أخرى نضع البيضه .
ونضع علي البيضه رشه فلفل حتي تمنع زفارة البيض .
ثم نضع ربع كوب الزيت .
ونضع ربع كوب الجبنه.
ثم نقلبهم مع بعض جيدا حتي يصبح القوام سائل .
ولا يوجد أي تكتلات .
بعد كده نضيف المواد الجافة الموجود في البولة الاولي علي البولة الثانيه التي تحتوي علي المواد السائله.
ثم نعجن باليد جيدا لو حسيتي ان العجينه شربت السوائل ولسه نشفه ومش بتلم ابدأ اضيف معلقة معلقة من اللبن لغايه موصل للقوام اللي عايزاه وده يختلف من دقيق لاخر حسب نوع الدقيق لغايه موصل لعجينه متماسكة وطرية وغير مشققه .
حنفرد العجينة بسمك رفيع كل ما كان رفيع كل ما كان مقرمش اكتر .
ثم تقطعها باي قطاعة متوفرة عندي علي حسب الحجم اللي انتي عايزاه .
نضعها علي صنيه بها ورقه زبده .
تدخله علي الفرن درجه ١٨٠ لمده ١٠ دقائق ويكون شغال في البدايه من قبل البدا في الوصفه.
بعد متقفل الفرن تسبيها في الفرن لمدة عشر دقايق بعد متطفي عليها وبالهنا والشفا.